Kutibu Presha ya Kushuka
Watu wengi wanapoanza kuhisi dalili za presha ya kushuka, mara nyingi huchukua hatua za haraka kama kunywa maji mengi au kula chakula chenye chumvi, lakini baada ya muda presha inashuka tena.
Njia hizi mara nyingi hazitoshi na zinaweza kuficha dalili bila kushughulikia chanzo cha tatizo, kwani hurudisha kiwango cha presha cha kawaida kwa muda mfupi tuu.
Makala hii inaeleza kwa nini njia hizi hazitoshi na kutoa mbinu madhubuti zaidi za kukabiliana na kushuka kwa preha au kama inavyojulikana kwa kimombo “hypotension.”
Kwanza tufahamu sababu za presha kushuka.
Sababu za Presha Kushuka
Presha inaweza kushuka kwa sababu mbalimbali, ikiwa ni pamoja na kusimama ghafla, kusimama kwa muda mrefu, magonjwa kama vile mzio au allergy, kisukari, moyo kutanuka, magonjwa katika mishipa ya damu na ini, hali ya hewa ya joto kali, na upungufu wa maji mwilini. Fahamu kiwango cha maji ya kunywa kwa siku
Dalili za Presha ya Kushuka
Dalili za presha ya kushuka zinaweza kuwa kama kizunguzungu, kuhisi kichwa chepesi, kuanguka na kupoteza fahamu, na uchovu. Mara nyingi, dalili hizi hutokea ghafla na kwa muda mfupi, kama vile wakati wa kusimama haraka au baada ya kuumia.
Tiba ya Presha ya Kushuka
Tiba ya presha ya kushuka inategemea chanzo cha hali hiyo. Lengo kuu la tiba ni kurejesha presha ya damu kwenye kiwango kinachohitajika. Huduma ya kwanza zinaweza kujumuisha kulala chini, kutumia ORS au maji yenye chumvi kidogo, na kuepuka kusimama kwa muda mrefu.
Fahamu ugumu wa kutibu Presha ya Kushuka
Je, unajua kuwa kuna watu ambao kwa kawaida presha zao huwa chini lakini hawapati madhara yoyote? Hii ni hali inayopaswa kuzingatiwa kwa umakini.
Ni muhimu kutambua kama kushuka kwa presha ni hali ya kawaida kwako au ni tatizo linalohitaji kushughulikiwa.
Kwa kufuatilia presha yako kwa muda, kwa mfano angalau kwa wiki mbili na kurekodi matokeo, utaweza kujua kiwango chako cha kawaida cha presha ni kipi.
Hebu nikushirikishe tukio lililonitokea. Siku moja, nikiwa theater nimesimama kwa muda mrefu, nilianza kuhisi kizunguzungu na karibu nianguke.
Waliokuwepo walinidaka, wakidhani presha yangu imeshuka, na kweli ilipimwa na kukutwa presha iko chini.
Hata hivyo, siku nyingine nilipopata dalili kama hizo na presha ikapimwa, ilionekana kuwa ya kawaida. Ilibainika kuwa tatizo lilikuwa sukari yangu ilikuwa imeshuka, na baada ya kupewa glucose, nilipata nafuu haraka.
Hii inatufundisha kuwa wakati mwingine unaweza kuonesha dalili za presha kushuka na ikaonekana kweli imeshuka. Lakini nyakati nyingine, dalili kama uchovu au kizunguzungu zinaweza kutokea kutokana na sababu nyingine, kama sukari kushuka, ambayo pia ni hali hatari.
Wakati mwingine, unaweza kuhisi kizunguzungu na ukapima presha yako ikakutwa imeshuka, lakini hukuwa umepima sukari yako.
Katika hali hii, ni rahisi kufikiri kuwa presha ndiyo chanzo cha tatizo, hivyo ni muhimu kujua viwango vyako vya presha na sukari ili kuepuka kuchanganya matatizo.
Kumbuka kauli mbiu ya AFYATech (F3) kwenye kuzuia magonjwa na athari zake. Fahamu, Fuatilia. Fanya kinachostahili mapema. Furahia maisha.
Hatua Madhubuti za Kufuata Ikiwa Una Presha ya Kushuka
Kushuka kwa presha ya damu, au hypotension, inaweza kuwa na athari kubwa kwenye afya yako. Iwapo unakabiliwa na hali hii, hapa kuna hatua za msingi unazopaswa kufuata:
1-Fahamu Afya Yako
Jua ‘baseline’ ya vipimo vyako muhimu. Unatakiwa kujua kiwango chako cha kawaida cha presha ya damu. Kujua presha yako ya kawaida ni hatua ya mwanzo kuweza kubaini mabadiliko ya presha yako.
Nunua kipimo chetu cha presha leo kwa bei ya offer. Kipimo hiki ni bora kwasababu hutoa wastani wako wa presha unaweza kufuatilia presha yako hata ukiwa nyumbani. Fahamu umuhimu wa kufahamu wastani wa presha yako.
2-Fahamu Chanzo cha Presha Kushuka
Ikiwa umegundua kuwa presha yako imekuwa ikishuka mara kwa mara na kusababisha usumbufu, ni muhimu kufanya vipimo ili kugundua chanzo cha tatizo. Hii inaweza kujumuisha vipimo vya damu, vipimo vya moyo, na tathmini nyingine za kiafya.
3-Tiba Kulingana na Sababu ya Presha Kushuka
Mara baada ya chanzo cha presha kushuka kubainika, tiba itategemea sababu hiyo. Kama ni matokeo ya dawa, mabadiliko ya dawa yanaweza kuhitajika. Kama sababu ni hali ya kiafya kama vile tatizo la moyo au endocrine, matibabu ya hali hiyo yanaweza kusaidia kurekebisha presha ya damu.
Jiunge na preshaPlan leo tukusaidie kudhibiti presha yako.
4-Dumisha Ufuatiliaji wa Presha Yako
Ni muhimu kuendelea kufuatilia presha yako ya damu, na ikiwezekana sukari yako ya damu. Hii inakusaidia kujua kama matibabu yanayotekelezwa yanafanya kazi na pia kugundua mapema iwapo kuna mabadiliko yoyote yanayoweza kuashiria matatizo mengine ya kiafya.
Pata msaada kudhibiti presha ya kushuka
Ili kuweza kudhibiti presha ya kushuka inabidi ufahamu namna ya kutofautisha dalili za ugonjwa huu na magonjwa mengine ikiwemo kisukari. Kutofautisha dalili hizi wakati mwengine huwa ni ngumu hata kwa wataalamu wa afya.
Ndio maana tumeunda PreshaPlan kukusaidia kudhibiti presha yako. Kwenye PreshaPlan unapata maarifa na mbinu za kudhibiti presha zilizothibitika kisayansi.
Pia unapata majibu ya moja kwa moja na mahususi kutoka kwa Dr. Adinan mtafiti na aliesaidia wengi kudhibiti presha na kuepuka madhara yake.
