Kisukari ni ugonjwa unaoathiri namna mwili unavyotumia sukari.

Uchaguzi wa vinywaji kwa watu wenye kisukari ni muhimu sana katika kudhibiti viwango vya sukari yao ya damu. 

Vinywaji kama vile chai, kahawa, sharubati/juice, maziwa, supu, mtori, na pombe, vinapaswa kuchaguliwa na kutumiwa kwa makini.

1. Umuhuimu wa Maji Kwa Mgonjwa wa Kisukari

Maji ni muhimu sana kwa kila mtu, na zaidi kwa mgonjwa wa kisukari. Maji hayana sukari na husaidia kudhibiti viwango vya sukari kwenye damu kwa kusaidia figo kutoa glukosi kupitia mkojo. 

Pia, maji yanaweza kusaidia kuepuka dehydration, hali ambayo inaweza kuwa mbaya kwa wagonjwa wa kisukari.

Zingatia: Maji: Kunywa maji ya kutosha kila siku, hasa ikiwa sukari ya damu iko juu.

2. Zingatia Haya Unapokunywa Chai au Kahawa

Chai na kahawa, hasa zisizo na sukari, zinaweza kuwa salama kwa wagonjwa wa kisukari. Hata hivyo, ni muhimu kuepuka kuongeza sukari nyingi au creamer zenye sukari. 

Utafiti unaonyesha kuwa chai na kahawa zinaweza kupunguza hatari ya aina ya 2 ya kisukari, lakini bado ni muhimu kutumia kwa kiasi.

Zingatia: Epuka sukari na creamer zenye sukari nyingi.

3. Maziwa Bora kwa Mgonjwa wa Kisukari

Maziwa yanaweza kuwa sehemu ya dieti ya mgonjwa wa kisukari, lakini ni muhimu kuchagua aina sahihi. 

Maziwa yasiyo na mafuta au yaliyopunguzwa mafuta ni chaguo bora kuliko maziwa kamili, kwani yana kalori na mafuta kidogo.

Maziwa yana lactose, aina ya sukari, hivyo ni muhimu kuzingatia kiasi kinachotumika. Maziwa pia yana protini na kalsiamu, ambazo ni muhimu kwa afya.

Zingatia: Chagua maziwa yasiyo na mafuta au yaliyopunguzwa mafuta. Zingatia kiasi kutokana na uwepo wa lactose.

4. Juice Ipi Inamfaa Mgonjwa wa Kisukari?

Juice, hasa zile zilizotengenezwa kutoka matunda halisi, zina sukari ya asili. Ingawa ni sukari ya asili, bado inaweza kuongeza viwango vya sukari ya damu. 

Ni muhimu kwa wagonjwa wa kisukari kuepuka juice zenye sukari iliyongezwa na kutumia juice ya matunda kwa kiasi kidogo sana. 

Juice ya mboga inaweza kuwa chaguo bora zaidi kwani mara nyingi ina sukari kidogo ikilinganishwa na juice ya matunda.

Zingatia: Epuka juice zenye sukari iliyongezwa na tumia kiasi kidogo cha juice ya matunda. Fikiria kutumia juice ya mboga kama chaguo mbadala.

5. Mgonjwa wa Kisukari Anaweza Kunywa Supu?

Supu, hasa zile zenye mboga na protini, zinaweza kuwa chaguo nzuri. Hata hivyo, tahadhari inahitajika kwa supu zilizosindikwa za dukani ambazo zinaweza kuwa na viwango vya juu vya sodiamu na wanga. 

Supu iliyotengenezwa nyumbani ni bora zaidi kwani unaweza kudhibiti viungo.

Zingatia: Tengeneza supu nyumbani na udhibiti viungo, hasa sodiamu na wanga.

6. Mtori una Madhara gani kwa Mgonjwa wa Kisukari?

Mtori, chakula cha Kitanzania kilichotengenezwa kutoka ndizi za mshare na nyama, unaweza kuwa na wanga mwingi. 

Wanga huu unaweza kuongeza sukari ya damu, hivyo ni muhimu kula kwa kiasi na kuchagua ndizi zenye wanga mdogo.

Zingatia: Tumia kwa kiasi na chagua ndizi zenye wanga mdogo.

7. Madhara ya Pombe Kwa Mgonjwa wa Kisukari yako Wazi

Matumizi ya pombe kwa wagonjwa wa kisukari yanahitaji uangalifu mkubwa. Pombe inaweza kusababisha kupanda na kushuka kwa viwango vya sukari ya damu. 

Ni muhimu kuepuka pombe kali na vinywaji vyenye sukari nyingi. 

Kiasi kidogo cha pombe, kama vile bia ya kawaida au glasi moja ya wine, mara nyingine inaweza kuwa salama lakini kwa idhini ya daktari.

Zingatia: Kuepuka pombe kali na vinywaji vyenye sukari; kama lazima, tumia kwa kiasi na baada ya kushauriana na daktari.